GRADE SLIP
Berlim M. Limbauan
Limang buwan na pinaghirapan
Dugo’t pawis ang naging puhunan
Ang bawat oras at panahon ay inilaan
Upang ito ay makamtan lamang
Pumasok ka sa iyong mga asignatura
Sumagot ng mga tanong sa matematika
Pati kuryente ay pinag-aralan mo na
Makamit lang ang hinahangad na marka
Di ininda ang katawang masakit
Upang sa klase ay hindi mawaglit
Dahil kung ika’y mawala ng saglit
Baka hinihangad na marka’y di makamit
Hindi ka na natutulog
Baka kasi bukas makakuha ka ng itlog
Kaya’t nagbasa ka’t nag-aral ng mabuti
Baka kasi bukas sisihin mo ang iyong sarili
Natapos mo na ang lahat
Sa tingin mo ba ito’y sapat?
Kaya’t di ka na mapakali
Lagi mong tinatanong ang iyong sarili
Dumating na ang oras na pinakahihintay mo
Ano kaya ang naging marka ko?
Pumila ka na dahil di ka na mapakali
Ngunit sa kasamaang palad ika’y nasa huli
Unti-unti nang umuusog ang pila
Malapit mo nang makuha, ang gusto mong makuha
Eto na’t nasa harapan mo na
Ang pinakahihintay mong marka
Napangiti ka ba o napasimangot?
O di kaya ay napakamot?
Ano ba ang kinahinatnan ng marka mo?
Na dugo’t pawis ang inalay mo?!......
SIMPLENG ORASAN
GRADE SLIP
Tuesday, October 30, 2007
Subscribe to:
Post Comments (Atom)
0 comments:
Post a Comment